Минемчә, балаларны китап культурасына өйрәтү, кызыксынучан, грамоталы кеше тәрбияләү бик мөһим. Бүген безгә китапханәче Эльвира Хәләф кызы кунакка килде. Ул балаларга яңа балалар китаплары һәм аларны иҗат итүчеләр - язучылар һәм рәссамнар турында сөйләде. Балалар бик рәхәтләнеп хикәя укылганны тыңладылар, яңа китаплар битләрен актардылар, ел вакытлары турындагы табышмакларны чиштеләр, әкият сорауларына җавап бирделәр.Эльвира Хәләф кызы үзенен һөнәре турында безгә тулырак мәгьлүмәт бирде. Балаларда китапханәче һөнәренә кызыксыну уятты. Очрашуның ахырында балалар китаплар белән якыннанрак таныша алдылар, китапханәчегә кызыклы очрашу өчен рәхмәт сүзләре әйттеләр. Китаплар белән аралашу кечкенә кешене рухи баета, аңа яхшылык бирә. Ахырда китапханәче барлык балаларны һәм аларның әти-әниләрен китапханәгәчакырды. Асылова Д.М, икенче кечкенәләр төркеме тәрбиячеләре