Тәрәзә төбендә бакча үстерү традициясен дәвам итеп, быел да бакчабызның мәктәпкә әзерлек төркеме балалары яшелчә, иген культуралары үстерәләр.  Әлеге кызыклы һәм файдалы эшкә әти әниләр дә теләп катнашты. Араларында төрле композицияләр уйлап чыгаручылар да булды. Балалар исә “бакча”дагы үзгәрешләрне  күзәтеп, тәрбияләп тордылар. Помидор, кыяр, фасоль үсентеләре чәчәкләрен коеп, җимешләре белән яшь бакчачыларны сөендерә дә башлады.

Кечкенәдән хезмәткә тарту, эшләгән эшнең  яхшы нәтиҗәсенә ирешү балаларда уңай сыйфатлар тәрбияләүдә уңышлы алымнарның берсе дип саный төркем  тәрбиячесе Галимова Р.Н.