Әйләнә-тирә табигатьнең матурлыгын күрергә өйрәтү, табигать турында күзаллауларын формалаштыру - балаларга экологик тәрбия бирүдә мөһим бурычлар. Кызганычка каршы, хәзерге заманда табигать белән аралашу мөмкинлеге азая бара, ә табигатьне рәсемнән яки телевизордан гына карау җанлы аралашуны, үзең табигатьнең серләренә төшенүне  алыштыра алмый. Бакчабыз педагоглары да шуны истә тотып, балалар белән елның төрле фасылларында табигатькә экскурсияләр оештыралар. Зурлар, мәктәпкә әзерлек төркемнәре балалары Актанышыбызның паркларына экскурсиядә булып кайттылар. Ә табигатьтә алтын көз, яфраклар бәйрәме...