2018 елның 24 маенда Аксубай муниципаль районының барлык мәктәпләрендә 9 нчы, 11нче сыйныф укучылары өчен Соңгы кыңгырау бәйрәме узды.

Соңгы кыңгырау –барлык мәктәп укучыларының да зур түземсезлек белән көткән бәйрәме. Күбесе өчен ул иң яраткан вакыт – җәйге каникуллар. Әмма кайберәүләр өчен ул мөһим тормыш этабына аяк басу. Сүз әлбәттә 9, 11 чыгарылыш сыйныф укучылары турында. Безнең район буенча: 9 сыйныфлар - 327 укучы, 11 сыйныф - 137 укучы тәшкил итә. Алар өчен бүген мәктәп кыңгыравы чыннан да соңгы тапкыр шалтырады. Бу көнне укучылар белән бергә аларның әти-әниләре, укытучылары, сыйныф җитәкчеләре дә зур дулкынлану хисе кичерделәр.
МББУ «Аксубай 3 нче номерлы урта мәктәбе» һәм МББУ «Аксубай 2 нче урта мәктәбе»ндәге бәйрәмнәрнең рәсми өлешендә Аксубай муниципаль район Башлыгы Гилманов К.К., МКУ «Мәгариф Бүлеге» башлыгы Зайцев С.Ю, Аксубай муниципаль районы башкарма комитетының депутатлары һәм район оешма җитәкчеләре чыгарылыш сыйныф укучыларына үзләренең җылы теләкләрен җиткезделәр. Калган район мәктәпләрендә шулай ук депутатлар һәм оешма җитәкчеләре үзләренең изге теләкләрен белдерделәр. Алар үз чыгышларында барлык чыгарылыш сыйныф укучыларына йомгаклау имтиханнарында зур уңышларга ирешүләрен теләделәр.