13 нче апрель көнне Казанда Сәләт йортында Флүс Латыйфи исемендәге «Сәләткә нур булган йолдызлар» VI республикаүләм ачык әдәби конкурсының финалы узды. Конкурс шигърият, чәчмә әсәр, балалар әдәбияты, әдәби блог дигән дүрт номинациядә иҗатка тартылган яшь дусларыбызның матур эшләрен бәяләде. Һәм менә финалга «иң-иң»нәре җыелды. Быел җиңүчеләрне номинация эчендә номинацияләр белән бәяләделәр.
Ә инде танатаналы өлештә һәрбер җиңүче дипломга һәм истәлекле бүләкләргә ия булды.
Бу конкурста Иске Кыязлы урта мәктәбеннән 2 укучы җиңү яулады. 11 нче сыйныф укучысы Әхмәтҗанов Илназ берьюлы ике номинациядә: “Шигърият”буенча - “Ел ачышы” һәм «Балалар әдәбияты» буенча “Татар теле – туган телем” номинацияләрендә, ә Сөләйманова Диләрә “Шигърият” тә “Эзләнүләр, кызыклы табышлар” номинациясендә җиңүче булдылар (җитәкчеләре Камалова З.С.). Сезгә киләчәктә дә зур уңышлар юлдаш булсын, кадерле укучылар!