14 апрелГ.Тукайның 131 еллык юбилее уңаеннан, яшь буынга рухи-әхлакый тәрбия бирүдә әдипнең тормыш юлын өйрәнүне һәм иҗатын пропагандалауны максат итеп, Татарстан Республикасында Экология һәм иҗтимагый киңлекләр елы уңаеннан ТР Мәгариф һәм фән министрлыгы, Г.Тукай әдәби музее, Арча муниципаль районы Яңа Кырлай урта мәктәбе тарафыннан 14 апрель көнне VI Республикакүләм Г.Тукай укулары үткәрелде. Быел бу укуларда республика мәктәпләреннән килгән 83 укучының, 54 укытучының эше тыңланды һәм уңай бәяләнде. Шулар арасында Иске Кыязлы урта мәктәбенең 9 нчы сыйныф укучысы Сөләйманова Диләрә (җитәкчесе Камалова З.С.) һәм Аксубай лицееның татар теле һәм әдәбияты укытучысы Галиева Әлфирә Әмирҗан кызы да лауреатлар булдылар. Аларга киләчәктә дә уңышлар телибез!