Атналыкта төрле чаралар уздырылды: “Г. Тукай әсәрләрен сәхнәләштерү” бәйгесе, "Г. Тукай иҗаты – рәсемнәрдә” яшь рәссамнар бәйгесе, "Алтын тарак ясау” проект эше, “Нәфис сүз остасы” яшь кәлам тибрәтүчеләр бәйгесе,“Тукай иҗатына багышланган стена газетасы ясау” бәйгесе, “Тукай – шагыйрьләр солтаны” уен-бәйгесе, “Г. Тукай әсәрләрен сәхнәләштерү” бәйгесе, "Тукай әсәрләрен сәнгатьле уку” бәйгесе. Моннан тыш, барлык сыйныфларда да сыйныф җитәкчеләре тарафыннан “Тукай иҗаты һәм тормыш юлы” дип исемләнгән класс сәгатьләре үткәрелде. Ә китапханәдә “Яздан аерып булмый Тукайны!” дип аталган китап күргәзмәсе оештырылды. Әлеге чараларда укучылар да, укытучылар да, сыйныф җитәкчеләре дә, хәтта, әти-әниләр дә бик теләп катнашты. Укучыларга, аеруча, алтын тарак ясау бәйгесе бик ошады. Ул таракларның һәрберсе үзенчәлекле, зәвык белән эшләнгән. Тукай атналыгы тәмамлангач, укучыларның иҗат эшләренә бәя бирелде, урыннар билгеләнде. Гайнеева Лилия, Фәсахова Карина, Галиуллина Айсылу, Фәсахова Зәринә, Байсакина Ләйлә, Мәхмүтова Алия, Мифтахов Искәндәр һ. б. беренчеләр рәтендә. Тукай атналыгын оештыручылар: татар теле һәм әдәбияты укытучылары Габделвәлиева Р. З. һәм Камалетдинова Д. Ф. Шундый күңелле, бай эчтәлекле, мавыктыргыч чаралар үткәргәннәре өчен аларга бик зур рәхмәт. Тукай калдырган мирас – мәңгелек!