1 нче сентябрь – Белем бәйрәменә багышланган тантаналы линейка гөрләп узды. Мәктәбебез директоры Ринат Габдрахман улы укучыларыбызны, мәктәп коллективын, ветеран укытучыларыбызны котлап, матур теләкләрен җиткерде. Бәйрәмдә авыл җирлеге башлыгы Фәнил Фаиз улы, район советы депутаты Ильфат Ильяс улы, район мәгариф бүлеге белгече Фәйрүзә Рәвел кызы, агрофирманың Исәнбай бүлекчәсе җитәкчесе Ирек Гайнегөл  улы да катнашты. Алар бәйрәм белән котлап үттеләр, изге теләкләрен җиткерделәр. Кунакларның һәммәсе беренче сыйныфка укырга керүче балаларны бүләкләп үттеләр."Урта белем бирү учреждениеләре арасында уздырылган “Белем бирүдә иң югары сыйфат“ муниципаль рейтингта Исәнбай мәктәбе – җиңүче",  -бу барлык коллективның, ата-аналарның һәм укучыларның уртак тырышлыгы нәтиҗәсе",- диде мәктәп директоры Ринат Борһаниев.